Opta суперкомпьютерінің нұсқасы бойынша, осы маусымдағы басты фаворит – Англиялық "Ливерпуль". Арне Слот баптайтын команда ең жоғары – 20,4%-дық дауысты иеленген.
"Қызылдардан" кейінгі орындарда "Арсенал" (16%) мен ПСЖ (12,1%) тұр. Одан кейінгі титулға үміткерлер тізімінде: "Манчестер Сити" (8,4%), "Барселона" (8,4%), "Челси" (7%), "Реал Мадрид" (5,8%), "Бавария" (4,3%), "Интер" (3%) және "Ньюкасл" (3%).
Өкінішке қарай, суперкомпьютер биылғы Чемпиондар лигасының дебютанты — қазақстандық "Қайраттың" әлеуетіне сенбейді және алматылық команданы тіпті ең аз мүмкіндік бар клубтар қатарына да қоспаған.
Айта кетейік, Рафаэль Уразбахтин жаттықтыратын команда 19 қыркүйекке қараған түні басты еурокубоктың жалпы кезеңін Лиссабонның "Спортингіне" қарсы матчпен бастайды.