Бублик Гонконгта өткен турнирдегі жеңісіне пікір білдірді

Сурет: Instagram/hkto.mens
Қазақстандық теннисші Александр Бублик Гонконгта өткен ATP 250 турнирінің финалындағы жеңісінен кейін өз әсерімен бөлісті, деп хабарлайды Zakon.kz.

Финалда қазақстандық теннисші италиялық Лоренцо Музеттиді 7:6, 6:3 есебімен жеңді.

"Лоренцо, финалда жеңіліп қалудың қандай болатынын мен жақсы білемін – мұндай сәттерді өзім де талай рет бастан өткердім. Сен жақын арада қазір тіпті армандамаған үлкен титулды жеңіп алатыныңа сенімдімін. Саған және бүкіл командаңа зор табыс пен ірі жеңістер тілеймін. Гонконг менің өмірімде әрқашан ерекше орын алады – дәл осы жерде мен әлемнің ең үздік он теннисшісінің қатарына ендім. Бұл титулды өз командам мен отбасыма арнаймын, біз бірге шын мәнінде ұлы жетістікке жеттік. Турнирді жоғары деңгейде ұйымдастырған ұйымдастырушыларға, болбойларға және осы жарысты керемет еткен барша жандарға үлкен алғыс айтамын. Рақмет саған, Гонконг", – деді Бублик матчтан кейін.

Гонконгтағы турнирдің қорытындысы бойынша Александр Бублик алғаш рет мансабында ATP рейтингінің үздік ондығына кіреді. Бұл – қазақстандық теннисшінің кәсіби жолындағы тоғызыншы титулы және биылғы маусымдағы алғашқы жеңісі.

Еске салайық, Гонконгтағы турнир барысында Александр Бублик нидерландиялық Ботик ван де Зандсхулпты (75-орын), қытайлық Шан Цзюнчэнді (406-орын) және АҚШ өкілі Маркос Гиронды (64-орын) жеңген еді.

Қазақстан
Қытай
Бублик Александр

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

"Жауын-шашын түсіп, көктайғақ болады". Дүйсенбіде еліміздің 17 өңірінде дауылды ескерту жарияланды

1200-ден астам құқық бұзушылық: Астанада жаппай рейд жүріп жатыр

Ұлытау облысында жыл басынан бері дрифт жасаған 14 көлік жүргізушісі жауапқа тартылды

Астана, Алматы және Шымкент қалалары бойынша алдағы бес күнге арналған ауа райы болжамы

Қазақстандық пара спортшы Малик Мұқашев таеквондодан әлем чемпионы атанды