Веснина "Чемпионат" басылымына берген сұхбатында Рыбакинаны әлемнің бірінші ракеткасы үшін де негізгі қарсыластардың бірі деп атады. Оның айтуынша, Рыбакинаның ойнау стилі қарсыластар үшін өте қолайсыз.
"Еленаның ойыны қазір толық қалыптасқан, өте қуатты әрі белсенді. Әсіресе оның допты беруі қарсыластарына үлкен қиындық туғызады. Бұл Арина Соболенко мен Ига Швёнтекке де қатысты. Тіпті жылдам хард кортта да солай. Оның үстіне Лена бұған дейін Australian Open турнирінің финалында ойнаған, сондықтан оның бұл жарыста чемпион атануға мүмкіндігі өте жоғары. Австралияның ыстық климаты мен ауа райы оған жақсы сәйкес келеді", – деді Олимпиада чемпионы.
Веснинаның айтуынша, Австралияда күннің ең ыстық кезінде қатарынан екі-үш матч ойнау өте қиын.
"Ал түнгі матчтарда ойнау әлдеқайда жеңіл... Сондықтан егер жарыс кестесі сәтті түссе, мен Лена Рыбакинаның осы маусымда "Үлкен дулыға" турнирлерінің бірін жеңіп алады дегенге толық сенемін", – деп түйіндеді Веснина.
Бұған дейін қазақстандық бес теннисші Australian Open-2026 турнирінде бақ сынайтындығын жазғанбыз.