Бұл туралы дизайнерлер өздерінің Instagram парақшаларында жазды.
Сурет: Instagram/zhsaken
"Спортшының таланты мен дизайн өнері тоғысқанда, аңыз туады", – деп жазды олар.
Сондай-ақ, Шайдоровтың "қысқа бағдарламадағы сахналық образы" Vogue Italia редакциясы дайындаған 2026 жылғы Олимпиаданың ең сәнді қатысушылары туралы онлайн-шолуға енді.
Сурет: vogue.it
Шолу авторлары костюмдегі драпировка элементтеріне, матаның градиентіне және фактуралардың қанықтылығына ерекше назар аударған. Редакцияның бағалауынша, бұл образ "Дюна" фильміндегі кейіпкерлер стилін еске салады.
"Костюмнің визуалды шешімі режиссер Дени Вильнёвтің футуристік әлем эстетикасымен үндеседі", – деп атап өтті Vogue.
Бұған дейін мәнерлеп сырғанаудан Қазақстан ерлер құрамасының көшбасшысы Михаил Шайдоров Италияда өтіп жатқан 2026 жылғы Олимпиада ойындарының алтын жүлдегері атанғанын жазғанбыз.