Александр Шевченко Бухаресттегі ATP 250 турнирін жеңіспен бастады

Сурет: ktf.kz
Қазақстанның екінші ракеткасы Александр Шевченко (№72 ATP) Румыния астанасында өтіп жатқан "Tiriac Open-2026" грунттық турнирін сәтті бастады, деп хабарлайды Zakon.kz.

Алғашқы айналымда отандасымыз жергілікті теннисші Раду-Давид Турканды (№659 ATP) екі сетте – 6:2, 6:4 есебімен қапы қалдырды.

Бірінші партияда қазақстандық спортшы айқын басымдық танытты: екі брейк жасап, сетті жарты сағатта өз пайдасына шешті. Екінші сетте есеп 5:2 болған тұста Шевченко қарсыласына айырманы барынша қысқартуға мүмкіндік беріп алғанымен, оныншы геймде ойынды тұрақтандырып, екінші матчболды сәтті пайдаланды.

Жекелей сынның екінші раундында Александр Шевченко Франческо Маэстрелли (Италия) мен Ботик ван де Зандшульп (Нидерланды) арасындағы кездесудің жеңімпазымен кездеседі.

Бухаресттегі турнирде қазақстандық теннисші жұптық сында да бақ сынайды. Ол венгриялық Фабиан Марожанмен бірге алғашқы айналымда жарыстың үшінші нөмірлі жұбы – Юки Бхамбри (Үндістан) / Майкл Венус (Жаңа Зеландия) дуэтіне қарсы қиын матч өткізеді.

Қазақстан

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Ұлытау облысында жыл басынан бері дрифт жасаған 14 көлік жүргізушісі жауапқа тартылды

1200-ден астам құқық бұзушылық: Астанада жаппай рейд жүріп жатыр

"Жауын-шашын түсіп, көктайғақ болады". Дүйсенбіде еліміздің 17 өңірінде дауылды ескерту жарияланды

Астана, Алматы және Шымкент қалалары бойынша алдағы бес күнге арналған ауа райы болжамы

Қазақстандық пара спортшы Малик Мұқашев таеквондодан әлем чемпионы атанды