Антикорға сауда үйінің директоры өзінен пара талап етіп жатқанын айтып, салық маманы үстінен арызданған, деп хабарлайды "Мой город".
Р.Жексенғалиев ҚР ҚК 24-бабы 3-бөлігі, 366-бабы 4-бөлігіне сәйкес (аса ірі көлемде пара алуға оқталу) айыпты деп танылып, 11 жылға бас бостандығынан айыру жазасы тағайындалды. Бұл мерзімді ол қауіпсіздігі барынша жоғары қылмыстық-атқару жүйесі мекемесінде өтеуі үкім етілді. Сондай-ақ ол мемлекеттік қызметте, жергілікті басқару және басқа органдарда лауазымдарды атқару құқығынан өмір бойына айырылды.
Жексенғалиевтің кінәсі сот барысында тергеу нәтижелерімен толықтай дәлелденді. Сотталушы өз кінәсін ішінара мойындап, 4 млн теңгені алдау жолымен алмақ болғанын түсіндірді. Оның үстінен арыз Антикорға сауда үйінің директоры Жаманғариннен келіп түсті. Ол МКД бас маманы өзінен 40 млн теңге пара талап еткенін айтты, - деді судья Шара Зайнуллина.
Сотталушы мен оның адвокаты сот шешімімен келіспейтінін, тағылған айыпты жоққа шығаратынын мәлімдеді.
Сот үкімі заңды күшіне енген жоқ.
