Агенттіктің баспасөз қызметінің мәлімдеуінше, "АлТС" ЖШС бас директоры мен басқа да қызметкерлері 16 миллион теңге көлемінде пара алды деген күдікке ілінген (ҚР ҚК 366-бабы).
Бұдан бөлек, "Балқаш жылу" ЖШС директорының бұрынғы орынбасары және бас бухгалтері өздерінің карточкалық шоттарына артық жалақы есептеу жолымен 272 миллион теңгеден астам ұрлық жасады деп күдіктелуде (ҚР ҚК 189-бабы).
Ведомство өкілдері таратқан ақпаратқа сүйенсек, серіктестіктің жеткізушілерге 1,5 миллиард теңгеден астам сомада қарызы болған.
"Екі факт бойынша да күдіктілердің кінәсін толық мойындауына байланысты "қамауда ұстау" түріндегі бұлтартпау шарасы қолданылған жоқ".Сыбайлас жемқорлыққа қарсы іс-қимыл агенттігі
Қазір тергеу жүріп жатыр.
Тергеу мүддесі үшін өзге ақпарат жария етуге жатпайды.
