Венеция туристерден бір рет қонбай келгені үшін ақы алатын әлемдегі алғашқы қала болмақ. Бұл туралы CNN жазды. 5 еуро алым 2024 жылдың көктемінен бастап күшіне енеді және Венецияға келушілер қаптайтын кезде міндетті болады.
Венеция билігі бұл төлем бірінші кезекте 30 күндік эксперимент аясында енгізілетінін айтты. Егер шара сәтті деп танылса, ол тұрақты негізде бекітіледі. Венеция әкімдігі туристерден күнделікті төлемді талап етудің орнына қалаға кіру үшін ақы төлеуге тура келетін ең қарқынды күндерді анықтайды. Бұл "белгілі бір кезеңдерде бір күндік туризм көлемін азайту" үшін жасалмақ.
Бұл төлем Венецияның "ескі қаласына" баратын 14 жастан асқан туристерге қолданылады. Бірақ Венецияда жылжымайтын мүлкі бар, спорт жарыстарына қатысатын немесе қалада қонақүйде түнейтіндер үшін ерекшелік бар.
Бұған дейін Қазақстанда шетелдіктер төлейтін туристік алымның жаңа ережесі қабылданған еді.
