Біріншіден, Украинаға жету қиын, өйткені логистика жағы күрделі. Екіншіден, азаматтарымызға қазір Украинаға баруға кеңес бермес едім. Өйткені, шынын айту керек, 23-іне дейін біздің Air Astana әуе компаниясының ұшақтары Киевке аптасына төрт рет ұшатын. Елшілік біздің азаматтарға тезірек кетуге кеңес берді, көбі тыңдамады, кейін жағдай ушыққанда, елшілік жұмыс істемеді, Сыртқы істер министрлігі жұмыс істемеді деп жазғыра бастады.ҚР Сыртқы істер министрінің бірінші орынбасары Шахрат Нұрышев
Нұрышев қиын жағдай туындаған жағдайда азаматтар Сыртқы істер министрлігі мен елшілікке хабарласатынын айта келіп, қазақстандықтардан әзірге Украинаға бармауды сұрады.
Қазір Украинаға баруды ойлап жүрген бұл азаматтар ертең қандай да бір жағдайға тап болса, алдымен кімге хабарласады? Сыртқы істер министрлігі мен елшілікке. Азаматтарымыздан ол жаққа бару ниетінен аулақ болуды сұраймын.Шахрат Нұрышев
Кеше Нұр-Сұлтан әуежайына Украинадан Қазақстан азаматтарын эвакуациялаған екінші ұшақ қонды.
Тақырып бойынша оқи отырыңыз: