2022 жылы Қазақстанда әскери шеруді өткізу бюджетті үнемдеу, сондай-ақ басқа да мәселелерді шешу қажеттілігіне байланысты жоспарланбаған. Қазақстан Республикасы Қорғаныс министрлігінің баспасөз қызметі
Қорғаныс министрлігі «Қазақстан Қарулы күштері бөлімшелерінің жауынгерлік әзірлігі мен ұтқырлығының қажетті деңгейін ұстап тұруға, мемлекеттік және әскери объектілерді күзету мен қорғауды қамтамасыз ету бойынша тапсырмаларды орындауға басымдық берілетінін» атап өтті.
Еске салсақ, 13 сәуірде Қазақстан Қарулы күштерінің құрылғанына 30 жыл толуына және 1941-1945 жылдардағы Ұлы Отан соғысындағы Жеңіс күніне арналған әскери парад болмайтыны хабарланды.
