Қазақстан үшін салдары болмауы керек. Өйткені біздің еліміз халықаралық құқықты да, халықаралық келісім бойынша ратификациялаған келісімдерді де ешқашан бұзған емес және бұзбайды, – деді Қайырбек Өскенбаев үкімет отырысында.
Бұған дейін министр Қазақстан «Жібек жолы» кемесін жалға алған ресейлік компаниямен келісімшартты бұзуы мүмкін екенін айтқан еді.
Біз кемені тапсырған кезде оған ешбір заңсыз тасымалдау – есірткі, қару-жарақ, басқа да тыйым салынған заттарды тасымалдауға болмайды деген шектеулер қоямыз. Шешім күтеміз, өйткені жағдай әлі де толық түсінікті емес.Қайырбек Өскенбаев
Еске салайық, маусымның 30-ы күні бірқатар БАҚ Қазақстанның «Жібек жолы» кемесімен Украинадан Бердянск теңіз сауда порты арқылы Түркияға астық экспортталатыны туралы ақпарат таратқан еді.
Кейіннен астық сату мәмілесі эстониялық Mangelbert OU компаниясы мен түрік тарапы арасында болғаны белгілі болды. Еуропада тіркелген сатушы компания мәміленің заңдылығын мәлімдейді.
