Бұл мәселені премьер-министр Әлихан Смайылов көтерді. Ол 3 тамызда ақпараттық жүйеде ақау орын алғанын, соның салдарынан электронды үкімет инфрақұрылымы бір тәуліктен астам уақытқа тоқтағанын еске салды.
Осы орайда ол министрден ақпараттық жүйелердің үздіксіз жұмыс істеуі үшін қандай шаралар қабылданып жатқанын сұрады.
Біз бұл сәтсіздікті тексердік, талдадық. Бұған бірқатар ақпараттық жүйелердің істен шығуы себеп болды. Сағат 14:00-де көптеген жүйелер азаматтардың деректерін жоғалтпай қалпына келтірілді.Цифрлық даму, инновациялар және аэроғарыш өнеркәсібі министрі Бағдат Мусин
Оның айтуынша, электронды үкіметтің тұрақты жұмысын қамтамасыз ету үшін 2023 жылы деректерді өңдеу орталықтарының дербес инфрақұрылымын, негізгі және резервтік деректерді өңдеу орталығын салу жоспарланып отыр.
3 тамызда "ҰАТ" АҚ серверлік орталығындағы ақауға байланысты Қазақстандағы халыққа қызмет көрсету орталықтары мен арнайы халыққа қызмет көрсету орталықтарында клиенттерді қабылдау уақытша тоқтатылғаны хабарланған еді.