Астананың атауын өзгерту азаматтардың құжаттарына ешқандай өзгеріс әкелмейді. Құжаттар астананың бұрынғы атауымен де жарамды болады, оны шұғыл өзгертудің қажеті жоқ. Егер астананың бұрынғы атауы көрсетілсе, құжаттар бұрынғыдай жарамды болып есептеледі. Сонымен қатар "Азаматтарға арналған үкіметтің" филиалдары және тағы басқасы құжаттарды бұрынғыдай қабылдайды және ешқандай қиындық болмайды.Қанат Мусин
Сонымен қатар ол Нұр-Сұлтанның атын Астана деп өзгертуге кеткен шығынға да тоқталды.
Қаржы шығынына қатысты қалалық мәслихат астананың атын өзгерту мәселесін қараған кезде қосымша шығын болмайтынын айтты. Көше атауларын, белгілерді өзгерту – оларды шұғыл өзгертудің қажеті болмайды. Бұл үдерістер бюджет қаражатына байланысты жоспарлы режимде өтеді. Бүгінде құжат айналымы цифрлық форматта жүргізіліп жатыр. Осыған байланысты қосымша шығын болмайды.Қанат Мусин
2 қыркүйекте "Жаңа Қазақстан" депутаттық тобының мүшелері елорданың бұрынғы атауы – Астананы қайтаруды ұсынды. Конституциялық заң жобасында Нұр-Сұлтан атауын өзгерту туралы ұсыныс енгізілді.
14 қыркүйекте ономастикалық комиссия елорданың атын өзгерту туралы ұсынысты қолдады.
15 қыркүйекте елорда атауын өзгертуді жұрт пен депутаттар қолдады. Дәл осы күні мәслихат елорданың атын өзгертудің ықтимал құнын атады.