Асхат Оралов дене шынықтыру және спорт саласындағы қолданыстағы нормативтік-құқықтық база заманауи инновациялық-интеграциялық үдерістер талабына толық сай келмейтінін, онда саланың нақты қажеттіліктері ескерілмегенін атап өтті.
"Министрлік заңнамалық актілерге өзгертулер мен толықтырулар енгізу жұмыстарын бастады. Заң жобасы аясында кәсіби спортты қаржыландыру мәселелерін реттеу, спорт мектептерінің жаттықтырушы-оқытушыларының оқу жүктемесін аптасына 24 сағаттан 18 сағатқа дейін қысқарту көзделіп отыр. " Мәдениет және спорт министрі Асхат Оралов
Оның айтуынша, құжатта спортшыларды, жаттықтырушыларды әлеуметтік қолдау, мүмкіндігі шектеулі спортшыларға жағдай жасау мәселелері де қарастырылған.
Министр заң жобасын жыл соңына дейін Парламент қарауына енгізу жоспарланғанын атап өтті.