Қарулы күштерде мерзімді қызметтің әскери қызметшілері запасқа шығарылып жатыр
Сурет: ҚР Қорғаныс министрлігінің баспасөз қызметі
Бір жыл ішінде мыңдаған жауынгерлер әскери істің қыр-сырын үйреніп, бөлімшелер құрамында жаттығуларға қатысты. Көптеген әскери қызметшілер оқу-жаттығу орталықтары мен кіші мамандар даярлайтын мектептерде алдағы өміріне қажет болатын әскери мамандықтар алып шықты.
Ең бастысы, мен бұл жерде көптеген достар таптым. Үйге борышымды абыроймен өтеп, ержеткен, шымыр әрі әскер мектебінен өткен маман болып баратын боламын. Мен барлық ер азаматтарды әскерде қызмет етуге шақырамын. Бұл әуелі әр жігіттің өзіне пайдалы, – деп атап өтті 30153 әскери бөлімінің қатардағы жауынгері Мағжан Абдулла.
Сурет: ҚР Қорғаныс министрлігінің баспасөз қызметі
Барлық әскери бөлімдерде салтанатты шаралар өтіп, сарбаздар Жауынгерлік тумен қоштасып, плацта соңғы рет сап түзеп жүріп өтуде. Ал командирлер мен жеке құрам запасқа шығарылған мерзімді қызметтің сарбаздарына құрмет көрсетуде.
Сурет: ҚР Қорғаныс министрлігінің баспасөз қызметі
Үздік жауынгерлер грамоталармен, бағалы сыйлықтармен, алғыс хаттармен, бөлімнің Жауынгерлік туының тұсындағы фотосуреттерімен марапатталды.
Туған жерлеріне келгеннен кейін запасқа шығарылған әскери қызметшілер жергілікті әскери басқару органдарында әскери дайындалған резерв ретінде есепке алынады.
