Тоқаев әскери полиция органдары туралы заңдарға қол қойды
![«Әскери полиция органдары туралы» Қазақстан Республикасының Заңы. ҚР президенті, әскер, сурет - Zakon.kz жаңалық 14.03.2023 17:01](https://kaz.zakon.kz/pbi/WEBP/2023-12-20/file-e0333b53-be44-4007-b9e0-31a4033794d1/800x450.webp)
Заң әскери полицияның қызметін жетілдіруге бағытталған.
Атап айтқанда, әскери полиция органдарының міндеттерін, құзыреттерін, құрылымын, өкілеттіктерін анықтау, сондай-ақ іске асырылған функцияларды заңнамалық бекіту бөлігінде өзгерістер қарастырылған.
Сонымен қатар заң әскери полиция органдарының құқық қорғау органдарына тиесілігі мен бағыну тәртібін, сондай-ақ олардың бір-бірімен және басқа да мемлекеттік органдармен өзара іс-қимыл тәртібін реттейді.
Жаңа заң күшіне енгеннен кейін 2005 жылғы ескі заң күшін жояды.
Сондай-ақ Президент "Қазақстан Республикасының кейбір заңнамалық актілеріне әскери полиция органдары және қорғанысты ұйымдастыру мәселелері бойынша өзгерістер мен толықтырулар енгізу туралы" Қазақстан Республикасының заңына қол қойды.