ШҚО-да ҚАЖ қызметкерлері балаларға қолдан тоқылған ойыншықтар сыйлады

Ойыншықтарды Шығыс Қазақстан облысы бойынша Қылмыстық атқару жүйесі департаментінің №24 мекемесінде жазасын өтеп жатқан сотталған қыз-келіншектер өз қолдарымен тоқыған, деп хабарлайды Zakon.kz.

Түрлі мультфильм кейіпкерлері бейнеленген ойыншықтарды жазасын өтеп жатқан қыз-келіншектер 10 күннің ішінде тоқып болған. 

"Ойыншықтарды аз қамтылған, көпбалалы және толық емес отбасындағы кішкентай бүлдіршіндерге мекеме қызметкерлері барып табыстады. Алдағы уақытта да осындай игі істер біздің тарапымыздан жалғасатын болады", - деді мекеменің бөлім бастығы әділет капитаны Арай Көшербаева.