Көктем мерекесі көне шаһарда да кеңінен тойлануда
![Мерекелік шара, Тараз, Наурыз, сурет - Zakon.kz жаңалық 14.03.2024 20:53](https://kaz.zakon.kz/pbi/WEBP/2024-03-14/file-eb47f7b1-ba1f-4176-852a-f11a0563cf84/400x225.webp)
Шара барысында қонақтар "Нұр тарайды Наурыздан" атты кітап көрмесін тамашалап, "Дулати" халықтық студенттік жастар театрының театрландырылған қойылымын көрді. Қойылымда достық, ұлттық дәстүр, жастар тәрбиесі тақырыптары айшықталды.
![Мерекелік шара, Тараз, Наурыз, сурет - Zakon.kz жаңалық 14.03.2024 20:53](https://kaz.zakon.kz/pbi/WEBP/2024-03-14/file-cfa6d0a1-923d-4a4c-aa05-2f66e890085a/800x450.webp)
Сурет: Жамбыл облысы әкімдігінің баспасөз қызметі
Шара барысында көпшілік қол алысып құшақтасып, бір-біріне тілектерін жаудырды. Сондай-ақ қариялар ақ баталарын берді.
![Көрісу, Тараз, наурыз, сурет - Zakon.kz жаңалық 14.03.2024 20:53](https://kaz.zakon.kz/pbi/WEBP/2024-03-14/file-a455cb7e-c887-446b-bc23-b7e8d9645647/800x450.webp)
Сурет: Жамбыл облысы әкімдігінің баспасөз қызметі
Мерекелік шара өңір өнерпаздарының ән шашуымен түйінделді.
![Ән-шашу, Тараз, наурыз, сурет - Zakon.kz жаңалық 14.03.2024 20:53](https://kaz.zakon.kz/pbi/WEBP/2024-03-14/file-f14319df-9477-4cd0-b66d-6c5b3b5ee132/800x449.webp)
Сурет: Жамбыл облысы әкімдігінің баспасөз қызметі
Атап өтейік, береке мен бірліктің мейрамы Көрісу дәстүрі – қыстың қыспағы мен қиындығынан аман-есен шыққан халықтың Наурыз мерекесі алдында мәре-сәре болатын күндерінің бірі. Сол себепті, бұл мейрамды тойлау, бір күнмен шектелмейді, жыл бойы жалғасады. Өйткені, Көрісу – тек адамдардың бір-біріне амандасып, жақсылық тілейтін қауышу мерекесі ғана емес, сондай-ақ жасы үлкендерге құрмет көрсетіп, ілтипат білдіретін дәстүрлі көрініс.
![Көрісу күні, Тараз, Наурыз, сурет - Zakon.kz жаңалық 14.03.2024 20:53](https://kaz.zakon.kz/pbi/WEBP/2024-03-14/file-2972a68a-2c04-40f1-9b1d-1d45eb135497/800x669.webp)
Сурет: Жамбыл облысы әкімдігінің баспасөз қызметі
Айта кетейік, бұл күні облыс аудандарының бәрінде тақырып мазмұнын аша түсетін игі шаралар ұйымдастырылды.