Білім министрі: Балабақшаларға талап күшейеді

Асхат Аймағамбетов 3 жастан 6 жасқа дейінгі балаларды мектепке дейінгі біліммен қамтамасыз ету 99%-ға жеткенін хабарлады. Ендігі кезекте министрлік алдында балабақшалардағы бағдарлама мазмұны мен оқыту әдістемесін жақсарту, олардың жалпы сапасын арттыру міндеті тұр.

Білім және ғылым министрі бұл міндеттер орындалуы үшін оны үш бағытқа бөліп қарастырды:

Біріншіден, мектепке дейінгі тәрбие мен оқыту моделі қабылданды. Министрлік әрі қарай тиісті шаралар қабылдауы керек.

Осыған дейін балабақшаларда мектептегі сияқты 20 минуттық сабақтар жүргізілген болса, енді жаңа модель бойынша педагог оқыту мен тәрбиелеуді баланың психологиялық әрі физиологиялық қажеттілігіне сай ойын және коммуникациялар арқылы арнайы әдістемемен іске асыратын болады. Шетелдік тәжірибенің зерттеулері де осы әдістеменің маңызын көрсетіп отыр.Асхат Аймағамбетов

Екіншіден, балабақшаның сапасын қамтамасыз ету үшін оларға талап күшейеді.

Материалдық, техникалық база, бейнебақылау жүйесі, педагогтердің біліктілігі, санитариялық талаптар, өртке қатысты нормаларға сәйкестігі – бұның бәрі мемлекеттік тапсырысты берудің басты талабы болады. Соның ішінде жекеменшік балабақшалардан балаларға қолайлы жағдай жасау ерекше талап етіледі.Білім және ғылым министрі

Үшіншіден, балабақшадағы орындарды бөлу кезінде бәрі ашық болуы үшін облыстардағы электронды кезектердің бәрі енді Республика бойынша бірыңғай базаға біріктіріледі.

Оқи отырыңыз

Шымкентке олимпиадаға келіп ауруханадан бір-ақ шыққан оқушылар: Дәрігерлер түсінік берді

19:57, 27 наурыз 2023

Ербол Тілешов Тіл саясаты комитетінің төрағасы болып тағайындалды

13:00, 27 наурыз 2023

Түркістан облысының оқушысы "ақылды" ферма жобасын жасап шықты

17:40, 23 наурыз 2023