Елімізде ноутбуктер бір жылда 5,1% қымбаттады

ноутбук, компьютер, сурет - Zakon.kz жаңалық 03.05.2022 12:34

Сурет: pexels

2022 жылғы наурыз айының қорытындысы бойынша, Қазақстанда бір жылда ноутбуктер 5,1% қымбаттаған. 2021 жылдың сәйкес кезеңінде өсім 6,9% болған еді, деп хабарлайды Zakon.kz.

Сонымен қатар зерттеушілердің айтуынша, қазақстандық компьютерлер мен ноутбуктердің өндірісі 2022 жылдың қаңтар-наурыз айларында бір жарым есеге, яғни 3,8 мыңға дейін өсті.

Сонымен қатар energyprom.kz сарапшылары құрал-жабдықтардың қымбаттауының себебін атады.

Ноутбуктер мен компьютерлер бағасының өсуіне жартылай өткізгіштердің жаһандық тапшылығы да, майнинг компанияларының артуына байланысты компоненттердің (бейнекарталар, SSD дискілері және т.б.) құнының өсуі де әсер етеді, – дейді мамандар.

Сарапшылардың сөзінше, импорттық компьютерлер үлесі қазақстандық компьютерлер мен ноутбуктердің ішкі нарықтағы үлесінен айтарлықтай асып түсетінін ескерсек, баға белгілеуде ұлттық валюта бағамының құбылуы да маңызды рөл атқарады.

2022 жылдың алғашқы екі айында елге 5,5 мың компьютер мен ноутбук импортталды. Бұл 2021 жылдың сәйкес кезеңімен салыстырғанда үштен бір есеге аз», – делінген зерттеуде.

Оқи отырыңыз