Жаңалықтар тізбегі
0

Қазақстан оқушылары Балқан олимпиадасында алты медаль жеңіп, былтырғы рекордты жаңартты

Балқан олимпиадасының жүлдегерлері Сурет: Оқу-ағарту министрлігі
Жасөспірімдер арасындағы математикадан халықаралық Балқан олимпиадасында (JBMO) Қазақстан оқушылары 2 алтын, 2 күміс және 2 қола медаль жеңіп алды, деп хабарлайды Zakon.kz.

Биыл олимпиадаға дүниежүзінің 19 елінен 81 оқушы қатысты. Олардың қатарында Албания, Босния және Герцеговина, Болгария, Кипр, Македония, Греция, Молдова Республикасы, Черногория Республикасы, Румыния, Сербия және тағы басқа елдер бар. Зияткерлік сайыстар 28 маусым мен 3 шілде аралығында Босния және Герцеговина астанасы Сараево қаласында офлайн форматта өтті.

Оқу-ағарту министрлігінің хабарлауынша, Қазақстан географиялық жағынан Оңтүстік-Шығыс Еуропада орналаспағандықтан олимпиадаға жыл сайын қонақ ел ретінде қатысады. Биыл ұлттық құрама қатарына Нұр-Сұлтан, Алматы, Атырау және Тараз қалаларынан 6 оқушы кірді. Олардың әрқайсысы жарыстан жүлдемен қайтқан.

Олардың әрқайсысы жарыста медаль жеңіп алды. Біз мұны мақтан тұтамыз. Жалпы командалық есепте Қазақстан 5-орынды иеленді. Елімізде Балалар жылы аясында дарынды оқушылар мен олимпиадашыларға белсенді қолдау көрсетіліп жатқанын да атап өту керек. Бұдан былай гранттар мен стипендиялар тек ЖОО-дан ғана емес, мемлекеттен де беріледі. Ол үшін оқушылар Математикадан халықаралық олимпиада (IMO) сияқты жарыстарға қатысып, жеңіске жетуі керек, – деді «Дарын» республикалық ғылыми-практикалық орталығы директорының міндетін атқарушы Нұрлан Жұмагелді.

Айта кетейік, былтыр Қазақстан оқушылары Балқан олимпиадасынан 2 алтын, 1 күміс, 2 қола медаль жеңіп алған еді.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: