Қазақстан оқушылары физикадан халықаралық олимпиада жүлдегерлері атанды

Әлеуметтік желі, сурет - Zakon.kz жаңалық 16.07.2022 12:57

Сурет: Facebook/askhat.aimagambetov

Білім министрі Асхат Аймағамбетов физика пәні бойынша халықаралық олимпиада (IPhO) жеңімпаздарын құттықтады. Жарысқа Қазақстанның атынан еліміздің түрлі қалаларындағы мектептерден бес оқушы қатысты, деп хабарлайды Zakon.kz.

Ұлттық құрамамыздың қоржыны тағы да медальдармен толықты. Оқушыларымыз керемет нәтиже көрсетіп, Физикадан халықаралық олимпиадада (IPhO) 1 алтын және 4 күміс медаль жеңіп алды, деп жазды Асхат Аймағамбетов Facebook-те.

Жарыс Цюрих қаласында (Швейцария) 10-15 шілде аралығында өтті.

Еліміздің намысын 5 оқушы қорғады.

Олар 75 елден келген 368 жасөспіріммен сынға түсті. Балаларымыз өткен жылы 5 күміске ие болған еді. Осылайша биыл оқушыларымыз былтырғы көрсеткішті жақсарта алды.

Ұлттық құрама қоржынына Даниил Шатохин алтын және күміс медальді Ерсұлтан Пітебай, Владимир Лим, Дінмұхаммед Рахымжанов және Ризабек Алпамыс әкелді.

Құрметті оқушылар! Сіздерді жеңістеріңізбен құттықтаймын! Сіздер жоғары нәтиже көрсетіп, еліміздің намысын әлемдік аренада абыроймен қорғай білдіңіздер. Бұл жетістіктеріңізге ата-аналарыңыздың қолдауы, ұстаздарыңыздың берген білімі септігін тигізді, сол үшін ризашылығымды білдіргім келеді. Сіздерге алдағы уақытта да жеңісті күндер тілеймін. Биік белестерді бағындыра беріңіздер. Асхат Аймағамбетов

Министр осындай беделді халықаралық олимпиадалардың жеңімпаздары ақшалай сыйақы алып, ұлттық жоғары оқу орындарына ҰБТ тапсырмай-ақ грантқа түсе алатынын еске салды. Сонымен қатар жүлдегерлердің педагог-тәлімгерлері де төлем алады.

Оқи отырыңыз