Әлемдегі барша католиктер бүгін Иса пайғамбардың туған күнін тойлауда

Иса пайғамбар, сурет - Zakon.kz жаңалық 25.12.2022 10:19

Сурет: pixabay

Бүкіл әлемдегі католиктер 24 желтоқсаннын 25 желтоқсанға қараған түні Рождествоны атап өтеді, деп хабарлайды Zakon.kz.

Христиандықта бұл күн Иса пайғамбардың дүниеге келуін білдіреді. Рождество алдындағы күн - 24 желтоқсан Рождество қарсаңы немесе Вигилия деп аталады. Екеуі де отбасылық мереке болып саналады. Бұл күндері отбасы мүшелерінің барлығы дастархан басында бас қосады.

"Рождество уақытында біз өткен жылға көз жүгіртеміз және иеміздің бізге берген сыйларын ризашылықпен еске аламыз. Биылғы жыл Қазақстан үшін қиын оқиғалардан басталды, бірақ біз бәрі реттеліп, біздің қоғамда бейбітшілік қайта орнағанына разымыз. Биылғы жыл біздің ұйымымыздың жаңа кезеңімен де ерекшеленді. Орталық Азияның католиктік ақпараттық қызметіне дейін тармағымыз кеңейді. Бірнеше ай бұрын Қазақстан халқы өз жерінде католик шіркеуінің басшысы – Рим Папасы Францискті қуана қарсы алды. Әрине, содан кейін де бұл жылды біз жиі еске алатын боламыз. Рождество мен Жаңа жыл құтты болсын!" Қазақстанның епископтары мен ординарийлері

Оқи отырыңыз