Көкжиде кен орны: жер қойнауын пайдаланушылардың қызметі тоқтатылуы мүмкін

Ақтөбе облысындағы Көкжиде жер асты суларының ірі кен орнының мұнаймен ластануы назар аударуды қажет ететін маңызды мәселе болып отыр. Бұл кен орны Батыс өңірінде бірегей болып саналады. Оның әлеуетін жоғары сапалы ауыз су тапшылығын көріп отырған Ақтөбе, Атырау және Маңғыстау облыстарының тұрғындарын сумен қамтамасыз етуге пайдалануға болады.Экология, геология және табиғи ресурстар министрлігі Серікқали Брекешев

Сонымен бірге министрдің айтуынша, «Көкжиде» кен орнының шекарасында көмірсутек шикізатын барлау және өндіру бойынша сегіз жер қойнауын пайдаланушы жұмыс істеп жатыр.

Айта кету керек, әр уақытта мемлекеттік органдар мен жергілікті атқарушы органдар Көкжиде кен орны аумағында жер асты суының мұнай өнімімен ластану фактісін анықтаған еді. Осыған байланысты Көкжиде кен орнын қосымша барлау жұмысы жүргізілді. Жер асты суының қоры 173,4 мың м3/тәу мөлшерінде бекітіліп, Көкжиде кен орнының шекарасы анықталды.Серікқали Брекешев

Жер қойнауын пайдаланушылардың ведомстволық желісінің ұңғымаларынан да сынамалар мен талдаулар алынды. Олар қоспалардың барын көрсетті, бірақ сонымен бірге мұнай өнімдері бойынша Рұқсат етілген шекті концентрация артықтығы анықталмады.

Жер асты суының ластануына жол бермеу үшін Энергетика министрлігіне Экология, геология және табиғи ресурстар министрлігімен бірлесе отырып, кеніш шекарасында жер қойнауын пайдаланушылардың қызметін кезең-кезеңімен тоқтату жөнінде шаралар қабылдауды, ал Ақтөбе әкімдігіне облыста жер асты суының мониторингін күшейту бойынша тапсырма беруіңізді сұраймын.Серікқали Брекешев

Оқи отырыңыз

Экология министрі БҰҰ Бас хатшысы Антониу Гутерришпен кездесті

17:35, 25 наурыз 2023

Австралияда миллионға жуық балық қырылды

17:55, 17 наурыз 2023