«Міне, Арал теңізінен қалғаны». Ғарыштан түсірілген видео көпті алаңдатып қойды

"Союз ТМА-М" ғарыш кемесінің бортинженері, "Роскосмостың" ғарышкері Олег Артемьев Telegram-да Арал теңізінің ғарыштан түсірілген видеосын жариялады, деп хабарлайды Zakon.kz.

"Біз Арал теңізінің үстінен ұшып барамыз ... Бұл, нақтысын айтқанда, содан қалғаны", - деп жазды ХҒС бортинженері видеода.

Видеоны көрген желідегілер өз алаңдаушылықтарын білдіріп, жаппай пікір жазды:

- Сол кездегі биліктің кесірінен бұл теңіз осындай күйге түсті, Каспийді де осындай тағдыр күтіп тұр.

– Жыл сайын тайызданғанның үстіне тайызданып барады. Оны аман алып қалу үшін Қазақстан тарапынан теңіздің бір бөлігін толтыру мақсатында бөгет салынды. Ол көл болып тұрады. Оны видеоның 00: 22 секундында көруге болады. Ал Өзбекстан тарапы жағы нашар.

- Жер Адамнан тек зиян шегіп жатыр.