Үкімет 2023-2025 жылдарға арналған жалпы ішкі өнімнің өсу болжамын жариялады

Мәжілістің Қаржы және бюджет комитетінің қорытындысында айтылғандай, «2023-2025 жылдарға арналған республикалық бюджет туралы» заң жобасы әлеуметтік-экономикалық даму болжамына, 2023-2025 жылдарға арналған бюджет параметрлеріне және Президенттің тапсырмалары негізінде ҚР Бюджет кодексіне сәйкес әзірленді.

Республикалық бюджет жобасын әзірлеу кезінде базалық сценарий негіз ретінде алынды.

2023-2025 жылдары ЖІӨ нақты өсімі 4-4,1% деңгейінде болжануда. Атаулы ЖІӨ 2023 жылы 120,7 триллион теңгеден 2025 жылы 146,5 триллион теңгеге дейін өседі. Жан басына шаққандағы ЖІӨ 2023 жылы 13,2 мың доллардан 2025 жылы 15,6 мың долларға дейін өседі. Қазақстан Республикасы Парламенті мәжілісінің Қаржы және бюджет комитеті

Қазіргі динамика сақталса, 2022 жылы мұнайдың орташа жылдық бағасы барреліне 100 доллардан асады. Орта мерзімді перспективада болжам барреліне 85 доллардан анағұрлым консервативті бағаны қамтиды.

Ұлттық банк инфляцияның мақсатты дәлізін 2023 жылы 7,5-9,5%, 2024 жылы 4-5%, 2025 жылы 3-4% дейін төмендетеді, - делінген қорытындыда.

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023