Қазақстан ОПЕК+ алдындағы өз міндеттемелерін орындады. Отырыстың қорытындысы жарияланды
Сурет: gov.kz
2024 жылғы 2 қазанда ОПЕК+ Бірлескен министрлік мониторинг комитетінің (JMMC) 56-шы отырысы өтті. Отырыста 2024 жылдың шілде және тамыз айларындағы шикі мұнай өндіру мәліметтері мен ағымдағы нарық жағдайлары талқыланды, деп хабарлайды Zakon.kz.
ҚР Энергетика министрлігі баспасөз қызметінің хабарлауынша, кездесу барысында:
- Ирак Республикасы, Қазақстан Республикасы және Ресей Федерациясы қыркүйек айында ұсынылған өтемақы жоспарларына сәйкес өз міндеттемелерін толығымен орындағандарын растады.
- Үш ел келісімнің қалған мерзімінде міндеттемелерін орындауға және өтемақы төлеуге бейілділігін растады.
Комитет Ирак Республикасы, Қазақстан Республикасы және Ресей Федерациясы өкілдерінің қатысуымен тамыз және қыркүйек айларында өтемақы жоспарларын орындау туралы үш жеке техникалық семинар мен аналитикалық агенттіктердің қатысқанын атап өтті.
Мониторинг комитетіне қатысушылар міндеттемелер мен өтемақыларды орындаудың аса маңызды екендігін ерекше атап өтті.
Мониторинг кабинеті бұрын қабылданған міндеттемелердің, соның ішінде қосымша ерікті қысқартулардың орындалуын бақылауды жалғастырады және нарықтық жағдайды тұрақты түрде бағалайды.
Мониторинг комитетінің келесі 57-ші отырысы 2024 жылғы 1 желтоқсанда өтеді деп жоспарланып отыр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
