"Самұрық-Қазына" Ұлттық әл-ауқат қоры мемлекет пайдасына 1,3 трлн теңге бөлді

"Самұрық-Қазына" Ұлттық әл-ауқат қорының жалғыз акционері 20 қарашада ҰӘҚ-ның 2023 жылғы таза кірісін бөлу тәртібін бекітті. Бұл туралы мәлімет KASE-де жарияланды. Оған сәйкес, былтыр қор жалпы 1,7 трлн теңгеге жуық таза кіріс алған.

Осыған қатысты қосымша ақпаратпен бөліскен қордың баспасөз қызметі мемлекет пайдасына 1,3 трлн теңге қарастырылып, бөлінгенін нақтылайды.

Оның ішінде:

• дивидент ретінде мемлекет бюджетіне 579 млрд теңге;
• Үкіметтің тапсырмасы аясында әлеуметтік жобаларды қаржыландыруға 228 млрд теңге бөлді. Бұл қаражат медициналық орталықтар, әлеуметтік осал топтарға арналған тұрғын үйлер құрылысына және басқа да әлеуметтік жобаларға жұмсалды.
• экономикалық өсімді қамтамасыз ету бойынша іс-шаралар жоспарын іске асыру аясында, елді мекендерді газдандыруға 105 млрд теңге;
• экономикалық өсімді қамтамасыз ету бойынша іс-шаралар жоспарын іске асыру аясында, жалға берілетін тұрғын үй құрылысы бағдарламасын қаржыландыру үшін 272 млрд теңге;
• қайырымдылыққа 10 млрд теңге (қайырымдылыққа жыл сайын бөлінетін сома);
• су тасқынынан зардап шеккен өңірлерге 22 млрд теңге бөлді.
• 50 млрд теңге "Қазақстан халқына" ҚҚ-на аударылады.

"Бұған дейін дивидендтерді төлеу және әлеуметтік жобаларды қаржыландыру бойынша қабылданған шешімдерді ескере отырып, қордың 2023 жылғы қаржылық есебін бекіту туралы Үкімет шешімі шеңберінде қосымша дивидендтер төлеу қарастырылмаған. Сонымен қатар, "Самұрық-Қазына" АҚ 53,5 трлн теңгеден астам сомаға 130 инвестициялық жобаны жүзеге асыруда".  "Самұрық-Қазына" Ұлттық әл-ауқат қорының баспасөз қызметі

Оқи отырыңыз

Қызылорда облысының әкімі: Күріш экспортында өсім бар

21:53, 20 қараша 2024

Қызылордада су ресурстарын тиімді басқару әдістері кеңінен енгізілуде

21:30, 20 қараша 2024