Жаңалықтар тізбегі
0

Білімділер додасы басталды

«Білімділер додасы» зияткерлік ойыны, Орал Сурет: Жәңгір хан атындағы БҚАТУ-нің баспасөз қызметі
Оралда «Ғасыр» жастар қоғамдық бірлестігінің ұйымдастыруымен «Білімділер додасы» зияткерлік ойыны басталды. Жәңгір хан атындағы Батыс Қазақстан аграрлық-техникалық университетінде өтіп жатқан іс-шараға үздік жастар командалары қатысуда.

Батыс Қазақстан облыстық қоғамдық даму басқармасының қолдауымен бастау алған бұл жоба өңір жастарының шығармашылығын дамытуға бағытталған.

«Білімділер додасы» зияткерлік ойыны

Сурет: Жәңгір хан атындағы БҚАТУ-нің баспасөз қызметі

Бірнеше кезең бойынша өтетін зияткерлік ойында түрлі салада еңбек етіп, үздіктер қатарынан көрініп жүрген жастардың білім деңгейі сыналып, ақыл-ой деңгейлері таразыға түспек.

Сурет: Жәңгір хан атындағы БҚАТУ-нің баспасөз қызметі

«Өнер мен білім сынға түсіп, шығармашылық шыңдалатын бұл жоба Ақ Жайық өңірінің озық жастары арасындағы достық қарым-қатынасты нығайтуға септігін тигізеді деп үміттенеміз. Жобамыздың мақсаты – жастар арасында ғылым мен білімді, қазақ халқының төл мәдениеті мен өнерін, салт-дәстүрін дәріптеу, қатысушылардың бойындағы зияткерлік дағдыларын, парасаттылығын осы байқау арқылы көрсету»,- дейді ұйымдастырушылар.

Ойынның ашылу салтанатында сөз алған БҚО қоғамдық даму басқармасы басшысының орынбасары Қалаубек Теміров шараның маңызына тоқталып, жастар саясаты саласы – мемлекеттің ажырамас бөлігі екенін атап өтті.

Сурет: Жәңгір хан атындағы БҚАТУ-нің баспасөз қызметі

Зияткерлік ойынға қатысатын 10 командаға ойынның ережесі мен талаптары түсіндірілді. «Жүзден – жүйрік, мыңнан – тұлпар» атанған командалар жартылай финалда және финалдық кезеңде өнер көрсететін болады.

Жоба жыл соңына дейін жалғасады.


Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз