Алматыда бірінші сыныпқа қанша бала қабылданды

Сурет: Zakon.kz

Алматы мектептерінің бірінші сыныбына қабылдау басталған төрт айда 25 мыңнан астам өтініш түскен, деп хабарлайды Zakon.kz.

Алматы әкімдігінің баспасөз қызметі 28 шілдеде хабарлағандай, 1 сәуірден бері қала тұрғындары балаларды бірінші сыныпқа қабылдауға 25 009 өтініш берген.

Өтініштер 1 тамызға дейін қабылданады, бірінші сыныптарға алты жастан (сондай-ақ осы күнтізбелік жылда алты жасқа толғандар) балалар қабылданады. Тіркеу eGov электронды үкімет порталы арқылы іске асырылады.

Салыстырар болсақ, 2021/22 оқу жылында Алматы мектептерінің бірінші сыныптарына 31 046, 2022/23 оқу жылында 32 938 бала қабылданған.

"Мектептер дайындық деңгейіне қарамастан, мектептің (шағын ауданның) қызмет көрсету аймағында тұратын барлық баланы қабылдауды қамтамасыз етеді. Сондай-ақ балаларды тек өз шағын ауданындағы мектепке ғана емес, бос орын болса, кез келген басқа мемлекеттік мектепке тіркеуге болады", – дейді әкімдік өкілдері.

Бірінші сыныпқа қабылдау үшін баланың ата-анасы немесе заңды өкілі өтініш жазып, баланың туу туралы куәлігінің көшірмесін, денсаулығы туралы құжаттарды (026/у-3 нысаны және 065/у нысаны), сондай-ақ 3х4 өлшемдегі екі фотосурет өткізуі керек.

Оқи отырыңыз