Қытай ғалымдарын тәнті еткен Әдемі беделді ЖОО-дан шақырту алды

Қазақстандық оқушы Ғабитқызы Әдемі білім беру технологиялары мен жасанды интеллект саласындағы Азияның жетекші университеттерінің бірі – Гонконг білім беру университетінен (EdUHK) ресми шақырту алды, деп хабарлайды Zakon.kz.

Айта кетсек, Әдемі Алматы қаласындағы Республикалық физика-математика мектебінде 10-сыныпта  (РФММ) оқиды. Гонконгқа сапары аясында ол университет басшылығымен және АИ саласындағы жетекші профессорлармен кездесті, соның ішінде:

• Dr. Gary Cheng – Executive Co-Director LTTC, Associate Professor,
• Dr. Henry So – Associate Director LTTC, Senior Lecturer.

"Оның біліміне, ойлау логикасына және жоғары санасына тәнті болған университет өкілдері Әдемінің дайындық деңгейіне, сондай-ақ Қазақстандағы білімнің жоғары сапасына таңданыс білдірді.  Әдемінің арқасында Гонконгта қазақстандық оқушылардың таланты мен РФММ-дегі зияткерлік дамудың бірегей атмосферасы жайлы кеңінен сөз қозғалды. Әдеміні құттықтап, оның біліміне әрі дамуына ат салысқан мұғалімдер мен тәлімгерлерге алғысымызды білдіреміз!", - деп атап өтті алматылық оқу орнындағылар.

Публикация от АЛМАТЫ РФММ | РФМШ АЛМАТЫ (@fizmat_almaty)