Көлік салығын төлеу мерзімі 1 сәуірде аяқталады

Шығыс Қазақстан облысы бойынша Мемлекеттік кірістер департаменті жеке тұлғалардың 2021 жылға арналған көлік құралдары салығын төлеу мерзімі 2022 жылдың 1 сәуірінде аяқталатынын еске салады, деп хабарлайды Zakon.kz.

Көлік құралдары салығының сомасын kgd.gov.kz веб-порталындағы калькулятордың және e-Salyq Azamat мобильді қосымшасының көмегімен есептеуге болады.

Бұл ретте салық органдары есептеген салық сомалары қазіргі уақытта банктік мобильді қосымшаларды пайдаланушыларға PUSH хабарламалары түрінде жіберіледі.

Сонымен қатар тиісті ақпарат kgd.gov.kz веб-порталындағы «Жеке тұлғалар үшін алдағы төлемдер» сервисінде, сонымен бірге «e-Salyq Azamat» мобильді қосымшаларында және «Kaspi Bank» АҚ және «Халық банкі» АҚ екінші деңгейлі банктерінде жарияланады.