Қазақстандықтардың газға қарызы 7 миллиард теңгеден асты
Сурет: unsplash
Дегенмен жылыту маусымында жұмыс кезінде газ шаруашылығын тиісті тәртіпте ұстау туралы бірдей маңызды мәселе туады және бұл апатсыз және үздіксіз газбен жабдықтау үшін айтарлықтай шығындар болып есептеледі.
Халықтың, коммуналдық қызметтердің және одан кем емес ірі өнеркәсіптік тұтынушылардың және энергиямен жабдықтаушы кәсіпорындардың қарызы алаңдаушылық туғызып отыр.
«ҚазТрансГаз Аймақ» АҚ («QazaqGaz ҰК» АҚ еншілес кәсіпорны) мәліметтері бойынша, тұтынушылардың жеткізілген газ үшін берешегі бүгінде 7 млрд теңгеден асады және бұл жылыту маусымында газ компанияларының сенімді жұмысын және тұтынушыларды газбен қамтамасыз ету перспективаларына тікелей әсер етеді.
Бұл статистика бойынша ең алдыңғы орында Шымкент қаласы тұр. Оның мерзімі өткен берешегі – қала бойынша алғанда жалпы соманың 71%-ы. Екінші орында Түркістан (85%) облысы, ал үшінші орында Шығыс Қазақстан (89%) облысы тұр.
Әсіресе, Қызылорда облысындағы жағдай алаңдатарлық. Облыстағы газ бойынша жалпы қарыз 1,3 миллиард теңгені немесе облыстағы жалпы қарыздың 90%-ын құрап отыр.
Биыл тамыз айынан бастап аймақтық бөлшек сауда бағасының құрамындағы тасымалдау тарифі реттеуші тарапынан бір жарым еседен астам төмендетілді. «ҚазТрансГаз Аймақ» АҚ баспасөз қызметінің хабарлауынша, жыл басынан бері компанияның Қызылорда облысы бойынша шығыны 523 млн теңге болса, 2015 жылдан бері компания тарифтерді мәжбүрлеп төмендетуге байланысты аймақта шығынға ұшырай бастаған кезде 14 млрд теңге болған.
Қысты күтпей-ақ жағдайды қазірден шешу керек. Қазақстандықтар газды және жалпы барлық коммуналдық қызметті уақытылы төлеу мәселесіне жауапкершілікпен қарауы керек. Бұл ретте орасан зор қарыздың кесірінен жеткізуші кәсіпорынның өзі ғана емес, мемлекет пен адал төлеушілер де зардап шегеді.
