Қазақстан мен ЕАЭО елдері арасындағы тауар айналымы 7,3% өсті

ЕЭО, сурет - Zakon.kz жаңалық 13.12.2022 15:44

Сурет: primerminister.kz

Ұлттық статистика бюросының мәліметі бойынша, 10 айда Қазақстан мен ЕАЭО елдері арасындағы тауар айналымы 22 963,7 млн доллар болды. Бұл өткен жылдың сәйкес кезеңімен салыстырғанда 7,3% артық, деп хабарлайды Zakon.kz.

Мысалы, 2022 жылғы қаңтар-қазанда елден тауар экспорты 7 705,1 млн доллар (21,4%-ға көп), ал импорт 15 258,6 млн доллар (1,3%-ға көп) болды.

Бұл ретте Қазақстан мен ЕАЭО елдері арасындағы сыртқы сауда айналымының жалпы көлемінде Ресей үлкен үлесті – 92,3%, одан кейін Қырғызстан – 4%, Беларусь – 3,5% және Армения – 0,2% алды.

Ұлттық статистика бюросының мәліметінше, экспорттың ең көп өсімі былтырғы сәйкес кезеңмен салыстырғанда 2,1 есеге өскен химиялық элементтерге тиесілі.

Дегенмен темір рудалары мен концентраттарында, оның ішінде күйген пиритте (76,5%-ға аз) төмендеу байқалды. Импортта ең көп өсім бидай мен меслинде байқалды – екі есе өсім. Бұл ретте автомобильдер мен басқа да автокөліктерде айтарлықтай төмендеу тіркелді – 74% аз.

Оқи отырыңыз