Жаңалықтар тізбегі
0

Қазақстанда сән-салтанат салығы 2024 жылдан бастап енгізілуі мүмкін

Сән-салтанат салығы 2024-те енгізіледі Сурет: pexels
22 желтоқсанда парламент сенатының отырысында Ұлттық экономика министрі Әлібек Қуантыров Қазақстанда сән-салтанат салығын енгізу мерзіміне қатысты пікір білдірді, деп хабарлайды Zakon.kz

Министрдің айтуынша, келесі жылдың бірінші тоқсанында құзырлы мемлекеттік органдар жаңа Салық кодексін құру бойынша белсенді жұмыс істеуді жоспарлап отыр. Оған сән-салтанат салығы бойынша нормалар кіреді.

"Бұл 2024 жылдан бастап жоспарланып отыр. Келесі жылы біз жаңа Салық кодексі бойынша белсенді жұмыс істегіміз келеді. Оны аяқтап, күзге дейін парламентке ұсыну бар. Содан кейін көп нәрсе парламентке байланысты болады. Ол белсенді түрде талқыланады. Сән-салтанат салығы және жалпы жаңа салық кодексі 2024 жылдан бастап енгізілетін шығар деп болжаймыз".Әлібек Қуантыров

Сән-салтанат салығы және оған кім және қандай жағдайда түсетініне қатысты ҰЭМ басшысы түрлі нұсқалар пысықталып жатқанын атап өтті.

"Біз түрлі нұсқаны қарастырып жатырмыз. Бірінші нұсқа жылжымайтын мүлік объектілерінің санына қатысты, яғни белгілі бір саннан асып кеткені үшін. Бір жеке тұлғаның жылжымайтын мүлік объектісі көп болса, онда қосымша мүлік салығы салынатын шығар. Бұл ретте жылжымайтын мүлікке салық салынуы мүмкін. Немесе салық оның құнына байланысты болады. Әрине, салық негізінен оны төлеуге қабілетті бай адамдарға әсер етеді. Тиісінше, олар зардап шекпейді. Сән-салтанат салығы, негізінен, қымбат көліктерге, сәнді тауарларға, антиквариат пен жылжымайтын мүлікке және тағы басқасына қатысты болуы мүмкін".Әлібек Қуантыров

Бұған дейін Қаржы министрі Ерұлан Жамаубаев азаматтар үшін кіріс пен шығысты бақылау жүйесі қалай әзірленіп жатқаны, сонымен қатар елде сән-салтанат салығын енгізу тетіктері туралы айтқан еді.




Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: