Қазақстан-Қытай шекарасы 21-23 қаңтар аралығында жабық болады

ҚХР-да Көктем мерекесін атап өтуге байланысты 2023 жылдың 21-23 қаңтарында Қазақстан-Қытай шекарасындағы автомобиль өткізу пунктері жұмыс істемейді, деп хабарлайды Zakon.kz.

Бұл туралы ҚР Мемлекеттік кірістер комитеті хабарлайды.

"Қазақстан-Қытай шекарасындағы автомобиль өткізу пунктерінде тұлғаларды, көлік құралдары мен жүктерді өткіу жүзеге асырылмайды. Қазақстан-Қытай шекарасындағы теміржол өткізу пункттері штаттық режимде жұмысын жалғастырады". ҚР Мемлекеттік кірістер комитетінің баспасөз қызметі

Осыған байланысты аталған комитет тасымалдаушылардан және барлық шекараны кесіп өтуге ниет білдірушілерді енгізілген шектеулерді ескере отырып, өз бағыттарын алдын ала жоспарлап алуды сұрайды.