Қазақстанда такси қызметі бір жылда 12% қымбаттады
Сурет: Zakon.kz
Өңірлік тұрғыда бағаның өсуін ең әуелі Атырау облысының тұрғындары сезінді: жылына бірден 37,5% қымбаттаған. Екінші және үшінші қатарда Жетісу және Абай облыстары тұр: сәйкесінше 33% және 31,2%.
Ең аз жылдық өсім Ақмола облысында тіркелді: бар болғаны 0,5%. Тағы үш облыста – Қарағанды, Түркістан және Ұлытауда баға бір жыл бұрынғы деңгейде қалды. Бұл деректерді Energyprom.kz жазды.
2023 жылдың 14 ақпанындағы Numbeo деректері бойынша стандартты тариф бойынша 1 км такси қызметтерінің ең төменгі бағасы Египетте (0,16 АҚШ доллары), Пәкістанда (0,19 АҚШ доллары) және Беларусьте (0,19 АҚШ доллары) тіркелді.
ТМД елдері арасында "таксиі арзан" елдердің алғашқы ондығына Армения мен Өзбекстан (әрқайсысы $0,26), Украина, Молдова және Ресей (әрқайсысы $0,27) кірді. Қазақстан (0,44 доллар) мен Әзірбайжанда (0,59 доллар) такси қызметі қымбатырақ болды.
Ең жоғары баға Швейцарияда (4,25 доллар), Кувейтте (3,27 доллар) және Ямайкада (3,26 доллар) тіркелді. 2022 жылдың қаңтар-желтоқсан айларында Қазақстанда такси қызметін ұсынатын компаниялардың кірісі құндық мәнде жылына 16% өсіп, 5 млрд теңгеге жетті.
Ең жоғары көрсеткіштер Қарағанды облысында байқалды. Бұл саладағы компаниялардың кірісі бір жыл ішінде 49,5% болып, 2,1 млрд теңгеге жетті. Үздік үштікке елорда (1,1 млрд теңге, плюс 0,2%) және Алматы (1 млрд теңге, минус 0,9%) кірді. Осы кезеңде такси қызметін 2,4 млрд жолаушы пайдаланды. Бұл бір жыл бұрынғыдан 1,2% аз.
