БТА Банк Франция сотының Әблязов ісі бойынша шешіміне қатысты түсініктеме берді
Сурет: Facebook/Мухтар Аблязов
"БТА Банкі 2023 жылғы 23 мамырда Франция Кассациялық соты БТА Банкінің апелляциясы бойынша Әбілязовқа қатысты қылмыстық іс бойынша қылмыстық істі қарау қудалау мерзімінің аяқталмағандығы туралы шешім шығарғандығын хабарлайды. Осыған орай, Францияның жоғары соты БТА Банкіне қатысты Әбілязовпен жасалған алаяқтық және ақшаны жымқыру фактілері бойынша қылмыстық тергеудің Францияның тергеу сотымен жалғасатындығын растады", делінген банк хабарламасында.
Сондай-ақ БТА Банкі Франция сотының шешімін қолдай отырып, сотпен істің тез арада және сәтті қаралатындығына сенім артатынын да нақтылайды.
Қазақстанда соты Мұхтар Әблязовты қылмыстық топ құрғаны және БТА Банкі қаражатын ұрлағаны үшін кінәлі деп таныды. Залал көлемі 7,5 млрд доллардан асатыны да хабарланды. Ол басқарған, тіркеуі жоқ "Қазақстанның демократиялық таңдауы" қозғалысын елімізде экстремистік ұйым ретінде танылды. Сонымен қатар, Аблязов 2004 жылы бизнес-серіктесі Ержан Тәтішевті өлтіргені үшін сырттай өмір бойына сотталды.
Бүгінгі таңда экс-банкир Францияда тұрады. 2022 жылдың желтоқсанында Францияның босқындар құқықтары жөніндегі ұлттық соты (CNDA) Мұхтар Әблязовқа саяси баспана беруден бас тартқаны белгілі болды.
2023 жылы 18 қаңтарда Бас прокурордың орынбасары Әсет Чиндалиев Мұхтар Әблязовты неге экстрадициялау мүмкін емес екенін айтты. Оның айтуынша, экстрадициялау проблемалары Франциямен арада қажетті нормативтік шарттың болмауынан туындаған.
2023 жылы 7 наурызда Францияның Экс-ан-Прованс қаласының апелляциялық соты Мұхтар Әблязовқа сотқа келмегені үшін айыппұл тағайындау туралы шешім шығарды.
