Елімізде мүгедектік және асыраушысынан айырылу бойынша жәрдемақы 1 шілдеден бастап көтеріледі

Сурет: Zakon.kz

Қазақстанда 1 шілдеден бастап мүгедектік және асыраушысынан айырылу бойынша әлеуметтік жәрдемақы мөлшері ұлғаяды, деп хабарлайды Zakon.kz.

29 маусымда Орталық коммуникациялар қызметінде өткен баспасөз мәслихатында Еңбек және халықты әлеуметтік қорғау комитетінің төрағасы Төлеген Оспанқұлов 1 шілдеден бастап бұл жәрдемақылар 14,5% өсетінін айтты.

"Мүгедектігі бойынша мемлекеттік әлеуметтік жәрдемақы алушылардың саны - 532,3 мың адам", - деді Төлеген Оспанқұлов.

Комитет төрағасы 2022 жылы инфляцияға байланысты мемлекеттік әлеуметтік жәрдемақы мөлшері екі есе өскенін еске салды. 1 қаңтардан бастап әлеуметтік төлемдер 5%, 1 сәуірден бастап тағы 4%, ал биылдың өзінде 8,5% ұлғайған.

Қазақстанда мүгедектік бойынша жәрдемақы өсетіні сәуір айында белгілі болды.

Оқи отырыңыз