10 қарашадағы саудада доллар сәл арзандады

Теңге, доллар, еуро, рубль, юань, мұнай, сурет - Zakon.kz жаңалық 10.11.2023 16:47

Сурет: pexels

Қазақстан қор биржасының (KASE) мәліметінше, 15:30-дағы жағдай бойынша доллардың орташа сараланған бағамы 0,18 теңгеге төмендеп, 467,90 теңге болды, деп хабарлайды Zakon.kz.

Қытай юанінің орташа сараланған бағамы да төмендеп, 64,09 теңге (-0,23) болды.

Еуро бағамын Ұлттық банк 500,67 теңге, рубль бағамын 5,09 теңге деп белгіледі.

Ақша айырбастау орындарында доллар 468-471 теңге, еуро 498-503 теңге, ресей рублі 4,59-5,13 теңге аралығында саудаланып жатыр.

Ал 10 қарашадағы саудада әлемдік мұнай бағасы көтерілді.

Лондонның ICE Futures биржасында Brent маркалы мұнайдың қаңтардағы фьючерстерінің баға белгіленімі барреліне 80,5 доллар болды, бұл алдыңғы сессияның жабылу бағасынан 0,6%-ға жоғары.

Нью-Йорк тауар биржасында (NYMEX) таңертеңгі электрондық саудада WTI маркалы мұнай фьючерстерінің желтоқсан айындағы бағасы барреліне 0,5%-ға өсіп, 76,11 доллар болды.

Оқи отырыңыз