Несиелеу статистикасы: бизнес пен халыққа несиелеу көрсеткіші қаншалықты өсті

Ағымдағы жылы несиелеу динамикасы қалай өзгерді және бизнес пен халыққа несиелер көлемі қаншалықты өсті. Zakon.kz тілшісі зерттеп көрді.

ҚР Ұлттық Банкінің деректері бойынша экономикаға несиелер 2024 жылғы 1 маусымдағы жағдай бойынша кеңейтілген айқындамада 36,4 трлн теңгені құрап, жыл басынан бері 5% - ға ұлғайды.

Осы көлемнің 46,3%-ы бизнеске, оның ішінде қаржылық емес заңды тұлғаларға және бизнес мақсаттарына несие алған жеке кәсіпкерлерге тиесілі болды. Халыққа берілетін несиелердің үлесі едәуір өсіп, 53,7% -ды құрады.

Ұлттық банктің деректеріне сәйкес бизнестік несиелер жыл басынан бері 2,3% - ға өсіп, 16,8 трлн теңгені құрады, халыққа арналғаны 7,5% - ға нақтырақ айтқанда, 19,5 трлн теңгеге дейін өсті. Бұл ретте ұлттық валютадағы кредиттер көлемі жыл басынан бері 5,3% - ға 33,3 трлн теңгеге дейін ұлғайды.

Банк секторының несиелері берешектің жалпы көлемінің 85,7%-ын немесе 31,2 трлн теңгені құрады. Ал, микроқаржы ұйымдарының несиелері небәрі 2,5 трлн теңге көлемінде болды.