Ұлттық қордан алынған ақша қайда жұмсалады
Фото: Zakon.kz
Ұлттық экономика министрі Нұрлан Байбазаров 2024 жылғы 21 қарашада сенат отырысында Ұлттық қордан алынған қаражат инфрақұрылымдық жобаларды дамытуға бағытталатынын айтты, деп хабарлайды Zakon.kz.
Министр Ұлттық қорға түсетін түсімдерді қалай ұлғайту жоспарланып отыр деген сұраққа жауап бере отырып, бұл үшін фискалдық және бюджеттік шаралар көзделгенін айтты.
"Біз оларды күшейтуге дайынбыз. Ұлттық қордан берілетін трансферттерге келетін болсақ, салық салынатын базаны кеңейтуге мүмкіндік беретін экономиканы дамыту маңызды. Жалпы, трансферттер қаражаты мемлекет басшысының тапсырмасы бойынша маңызды ұлттық және инфрақұрылымдық жобаларды іске асыруға бағытталатын болады", – деп толықтырды ол.
Оның айтуынша, қазір осындай 17 жоба бар, болашақта олардың саны әлі артады.
"Біз бірқатар жаңа жобаларды қарастырып жатырмыз. Оларды іске асыру айтарлықтай қаражатты қажет етеді, бірақ олар бюджеттен бөлінбейді, олар жеке сектордан инвестиция түрінде тартылатын болады. Біз бұл жұмысты бастадық, Үкіметтің міндеті – ірі жобаларды іске асыру, олардың есебінен – экономиканы дамыту және салық салынатын базаны кеңейту", — деді Нұрлан Байбазаров.
Бұған дейін Мәжіліске үш жылдық бюджет жобасы қайтарылғаны хабарланған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
