Дүниежүзілік банк: 2026 жылы Қазақстандағы инфляция 6%-ға дейін төмендеуі мүмкін

Дүниежүзілік банк Қазақстан экономикасының өсімі мен инфляция динамикасы бойынша алдағы жылдарға арналған болжамын ұсынды, сондай-ақ еліміз үшін негізгі қауіп-қатерлерді атап көрсетті. Толығырақ Zakon.kz сайтындағы материалдан оқи отырыңыздар.

Есепке сәйкес, ел экономикасы 2025 жылы мұнай өндірісінің ұлғаюы және фискалдық қолдаудың жалғасуы нәтижесінде 4,5-5%-ға өсуі мүмкін. Сонымен қатар, инфляция деңгейі 2025 жылы 7,5-8%-ға дейін және 2026 жылы 6%-ға дейін біртіндеп төмендейді деп болжанады. Сонымен қатар, фискалдық шаралардың кеңеюі мен валюта құбылмалылығының артуы инфляциялық қысымды мақсатты деңгейден жоғары ұстап тұра алады, делінген баяндамада.

Дүниежүзілік банктің Қазақстандағы тұрақты өкілі Андрей Михневтің айтуынша, Қазақстанның фискалдық саясаты 2025-2026 жылдарғы жоғары бюджет тапшылығымен ынталандырушы күйде қала береді.

"Мемлекеттік қарыз басқаруға жатып, фискалдық тапшылықтарды жабу үшін іштен қарыз алу және Қазақстан Республикасының Ұлттық қорынан қаражат алу сипатындағы тәуелділіктің артуы қордың ұзақ мерзімді тұрақтылығына қатысты алаңдаушылық туғызады. Бұл баяндамада біз фискалдық тәртіптің және осы мәселелерді шешу үшін кіріс көздерін әртараптандырудың маңыздылығын атап өткіміз келеді". Андрей Михнев

Қазақстан үшін негізгі тәуекелдердің қатарына мыналар жатады: мұнайға деген жаһандық сұраныс пен бағаның төмендеуі, фискалдық шаралардың кеңеюі және апатты ауа райы құбылыстарының инфрақұрылым мен экономикалық белсенділікке  теріс әсері.

Бұдан бөлек, Қазақстанның салық кірістері басқа елдердің ұқсас көрсеткіштерінен едәуір артта қалып отыр, солайша негізгі мемлекеттік қызметтер мен ұзақ мерзімді басымдықтарды қаржыландыруды шектеуде.  Баяндаманың арнайы бөлімінде кірістерді жұмылдыру бойынша реформалар да талқыланады.

Сонымен қатар баяндамада фискалдық мәселелерді шешуге арналған салық реформасының кешенді бағдарламасы таныстырылады. Атап айтқанда, бұл реформаларға прогрессивті табыс салығы жүйесіне көшу, тиімсіз салық жеңілдіктерін кезең-кезеңімен тыю, ҚҚС бойынша реформалар, акциздік салықтарды экологиялық мақсаттарға сәйкестендіру және салықтық әкімшілендіруді жақсарту енеді.

Құжатта Қазақстандағы инфрақұрылымның жай-күйі өнімділікті арттыру және үздіксіз әрі тиімді мемлекеттік қызметтерді қамтамасыз ету үшін аталған салаға бөлінетін мемлекеттік инвестициялар көлемін ұлғайтуды талап ететіні атап көрсетілген. Осыған сүйене отырып, дамудың ұзақ мерзімді басымдықтарына қажетті қаржыландыру үшін фискалдық кірістерді ұлғайту өте маңызды, - деп санайды Дүниежүзілік банк мамандары.