Жаңалықтар тізбегі
0

Саяхатшыларға: Бурабай ұлттық паркіндегі ерекше 5 маршрут

Саяхатшыларға: Бурабай ұлттық паркіндегі ерекше 5 маршрут Сурет: Бурабай" МҰТП
Бурабай – бай тарихи мұрасы сұлулығымен үйлесетін мекен. Онда әркім өз қалауы бойынша демалыс түрін таңдайды. Мысалы, биыл 6 айда ғана келушілер туристік бағыттарға 12 мыңға жуық билет сатып алған. "Бурабай" МҰТП ұлттық паркі саяхатшылар үшін ең танымал туристік маршруттарды топтастырды.

1 "Бурабай-Қазақстан асыл маржаны"

"Бурабай-Қазақстан асыл маржаны" туристік соқпағымен саяхаттау кезінде 6000-ға жуық адам Бурабайдың сұлулығымен танысты. Мақсаты бойынша бағыт туристік - танымдық, қозғалыс түрі бойынша-аралас. Бағыт Бурабай ауылынан басталады," би қайыңдары", үлкен Чебачье көлі арқылы өтеді. Туристер Абылайхан алаңына хан асуы арқылы "Ұлу қабыршығынан" өтіп, кері қайтады.

Абылай хан алаңы – Әулиекөл жағалауынан 100 м қашықтықта өлшемі 250x500 м болатын орман арасындағы шағын алаң. 1991 жылы Ұлы хан Абылайға 280 жылдығына орай стела орнатылды. Абылай хан стеласынан 120 метр биіктікте Көкшетау тауының етегінде қазақтар үшін қасиетті орын, табиғи граниттен Абылай ханның тағы орналасқан.

2."Табиғат әлеміне бару"

Танымалдығы бойынша екінші орында – "Табиғат әлеміне бару" туристік соқпағы. Мақсаты бойынша бағыт: туристік-танымдық, қозғалыс түрі бойынша-жаяу, маршруттың ұзындығы 8 км.

Саяхат Көк Шығанақтан басталады. Бұл жер туристер мен табиғат әуесқойлары арасында танымал. Өзінің әсем ортасымен және ашық ауада демалу мүмкіндіктерімен көз тартады. Болектау тауына көтеріліп, Бурабай және Үлкен Шабақты көлдерінің панорамалық көрінісі мен оның айналасындағы табиғатты тамашалауға болады. 

3."Кенесары үңгірі"

Кенесары үңгірі - бұл таңғажайып көріністерімен және тарихымен танымал туристік орын. Мақсаты бойынша үңгірге бару-жаяу жүргіншілерге арналған тарихи-тақырыптық экскурсия, ұзақтығы 2 сағат. Бағыт орманды алқапта және Бурабай көлінің бойында серуендеуді қамтиды. Үңгір Әулиекөл көлінің оңтүстік жағалауында Оқжетпес шипажайынан 6 км қашықтықта орналасқан. Төбесі жартасты. Сегіз Канатты киіз үйдің көлеміндегі үңгір. Жоғарғы жағында мұржасы бар. Үңгірдің алдында Әулиекөл көлінің панорамасы айқын көрінетін үлкен алаң бар.

4."Көкшенің асыл маржаны"

Белсенді демалысты таңдайтын клеушілер үшін "Көкшенің асыл маржаны" туристік маршруты әзірленді. Бағыт Абылайхан алаңынан басталады. Жаяу серуендеу Көкшетау шыңы мен үлкен жартасы арасындағы асудан өтуімен қызық. Сонымен қатар туристер жартасты жерлермен "Көкшетау" тауының басына көтеріліп, Үлкен Шабақты көлінің жағасындағы пейзажды тамашалайды.

Ақмола облысында ең биік нүктесі бар Көкшетау тауы гранитті-интрузивті жыныстардан тұрады. Таудың биіктігі-теңіз деңгейінен 947 метр. Ол Қазақстанның солтүстік бөлігіндегі Баянауылдағы Ақбет тауынан кейінгі екінші ең биік тау (1022 метр).

5."Оқжетпес"

Танымал туристік бағыттардың бестігін "Оқжетпес" тауына бару маршруты жабады. Оқжетпестің биіктігі теңіз деңгейінен үш жүз метрден аспайды. Ол Әулиекөл (Бурабай) көлінің жағасын безендіріп тұр. Оқжетпес тауы – өзінің ерекше сұлулығымен және белсенді демалу мүмкіндіктерімен туристерді тартатын керемет және әдемі табиғи объект.

Туристің дайындық деңгейіне және қызығушылығына сай келетін туристік маршруттар туралы өзекті ақпарат алу үшін туристер аймақтық туроператорларға жүгіне алады. Олар ыңғайлы маршрутты таңдауға және тауға жорық кезінде қауіпсіздік пен жайлылықты қамтамасыз етуге көмектеседі. Турмаршруттарға билеттердің құны маршруттың түріне, күрделілігіне, ұзақтығына байланысты 2000-3000 теңге болады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: