Спорт жаңалықтары 
Бас мемлекеттік санитарлық дәрігердің жаңа қаулысы жарияланды
Сурет: Zakon.kz/Павел Михеев
Қиясовтың халықты коронавирус инфекциясына қарсы вакциналау мәселелері бойынша бұрын қолданыста болған барлық қаулылары №2 МТҚБ-ға біріктірілді.
№ 2 құжаттың қосымшасында келесі мәселелер қамтылған:
КВИ-ға қарсы қайтара вакцина (ревакцинация) алуға медицина қызметкерлеріне, КВИ-дің ауыр жүру жоғары қаупі бар 60 және одан жоғары жастағы адамдарға "Комирнати" ("Пфайзер") вакцинасын қолдана отырып рұқсат етіледі;
КВИ-ге қарсы вакциналау және ревакциналау тактикасының кейбір мәселелерінің егжей-тегжейін түсіндіру.
Осы қаулының 4-қосымшасына сәйкес, Ashyq жобасына қатысатын нысандар үшін жұмыс және демалыс күндері мынадай жұмыс режимі қолданылады:
"қызыл" аймақта орналасқан өңірлерде - 00:00-ге дейін, Ashyq жобасының көшбасшылары - 02:00-ге дейін;
"сары" аймақта орналасқан өңірлерде - 01:00-ге дейін, Ashyq жобасының көшбасшылары - 03:00-ге дейін;
"жасыл" аймақта орналасқан өңірлерде – 03:00-ге дейін, Ashyq жобасының көшбасшылары - 05:00-ге дейін.
Демалыс күндері қызметкерлері мен тұтынушылары "жасыл" қауіпсіз мәртебесі болған жағдайда (вакцина алған, сынама алынған сәттен бастап жеті тәуліктен аспайтын мерзімдегі КВИ-ды теріске шығаратын ПТР-тест анықтамасы, КВИ-ға қарсы вакцина алуға тұрақты медициналық қарсы көрсетілімі бар немесе соңғы үш ай ішінде КВИ-мен ауырған адамдар) нысандардың жұмыс істеуіне жол беріледі.
"12 жастан асқан балалар компьютерлік клубтарға, цирктерге, кинотеатрларға, балаларды сауықтыру орталықтарына, облысаралық және қалааралық туристік тасымал көліктеріне, білім беру объектілеріне – өз еркімен Ashyq қосымшасына, оның ішінде басқа да платформаларға тіркелу, QR-кодты сканерлеу арқылы ата-аналарының немесе заңды өкілдерінің рұқсатымен кіргізіледі", – делінген қаулыда.
Ashyq қосымшасын міндетті түрде енгізуі тиіс нысандар тізімі жаңартылды:
фитнес-клубтар, соның ішінде йога орталықтары;
спа орталықтары;
моншалар, сауналар, бассейндер;
компьютерлік клубтар, соның ішінде PlayStation клубтары;
боулинг клубтары;
кинотеатрлар;
театрлар мен филармониялар;
қоғамдық тамақтану орындары, жазғы алаңдар, банкет залдары, стрит-фудтардан басқасы;
асхана типті қоғамдық тамақтану орындары;
облысаралық және қалалық тұрақты емес (туристік) тасымалдар;
облысаралық және облысішілік тұрақты тасымалдар;
бильярд клубтары;
концерт залдары;
ерікті қатысушылар;
караоке;
көрмелер;
океанариум;
марафондар;
көрермендері бар спорттық іс-шаралар;
әуежайлар;
лотерея клубтары және лотереяны өткізудің өзге де орындары;
балалар ойын-сауық орталықтары (жабық);
цирктер;
қонақ үйлер, отельдер;
Халыққа қызмет көрсету орталықтары;
теміржол вокзалдары және автовокзалдар;
базарлар (жабық), сауда ойын-сауық орталықтары, сауда үйлері, сауда желілері (азық-түлік емес);
сауда алаңы 6 мың шаршы метрден асатын сауда желілері (азық-түлік);
балаларды сауықтыру орталықтары (қызметкерлер үшін);
букмекерлік кеңселер;
сұлулық орталықтары, салондар, шаштараздар, маникюр мен педикюр орындары, косметикалық және косметологиялық қызметтер көрсететін салондар;
барлық меншік нысанындағы және ведомстволық бағынышты білім беру ұйымдары (педагогтар, жұмысшылар, ата-аналар (заңды өкілдер), 18 және одан жоғары жастағы білім алушылар үшін (ата-аналарының немесе заңды өкілдерінің рұқсатымен 12 жастан асқан балалардың QR-кодын сканерлеп, ерікті тіркелу арқылы));
спорт кешендері, спорттық-сауықтыру орталықтары;
жатақханалар мен интернаттар (педагогтар, персоналдар, ата-аналар (заңды өкілдер), келушілер, білім алушылар үшін);
діни объектілер;
ойын клубтары (казино);
"Қорғас" халықаралық шекаралық ынтымақтастық орталығы;
түнгі клубтар;
банктер, "Қазпошта" АҚ бөлімшелері.
Қаулының толық мәтінімен мына жерден танысуға болады.
