Нұр-Сұлтандағы үлкен айналма жол учаскесі бес айға жабылады

Солтүстік-Батыс айналма жолы, сурет - Zakon.kz жаңалық 17.03.2022 21:24

Сурет: pixabay

25 наурыздан 15 тамызға дейін республикалық маңызы бар Нұр-Сұлтан қаласындағы Солтүстік-Батыс айналма жол учаскесі жабылады. Бұл туралы «ҚазАвтоЖол» ҰК» АҚ ақпарат таратты, деп хабарлайды Zakon.kz.

Республикалық маңызы бар Р-10 Нұр-Сұлтан қаласының Солтүстік-Батыс айналма жолының төртінші шақырымында орын алған апатты жағдайға байланысты аталмыш жолдың 1,4 шақырымынан бастап алты шақырымына дейінгі учаскесі биылғы жылдың 25 наурызынан 15 тамызына дейін күрделі жөндеу жұмыстарын жүргізу үшін жабылмақ. «ҚазАвтоЖол» ҰК» АҚ баспасөз қызметі

Осы орайда Нұр-Сұлтан қаласы, Ақмола облысы тұрғындары мен қонақтарына, сондай ақ барлық транзиттік жүргізушілерге балама жолдың бары ескертілді.

Тыйым, сурет - Zakon.kz жаңалық 17.03.2022 21:24

Сурет: ru.qaj.kz

Жеңіл көлік иелері қала ішімен, яғни Лесозавод елді-мекені арқылы жүре алатындығын, ал жүк көлік иелері үшін Шығыс айналма жолының бар екенін еске саламыз. «ҚазАвтоЖол» ҰК» АҚ баспасөз қызметі

Құзырлы мекеме туындаған барлық сұрақ бойынша тәулік бойы жұмыс жасайтын 1403 колл орталығына қоңырау шалуға болатынын ескертті.

Оқи отырыңыз