Алматыдағы MEGA park-тен адамдар эвакуацияланып жатыр

Сурет: Zakon.kz

Алматыда бірнеше нысанға «бомба қойылды». Бұл туралы Алматы қаласы полиция департаменті мәлімдеді, деп хабарлайды Zakon.kz.

Алматы полиция департаментінің ресми өкілі Салтанат Әзірбектің айтуынша, қазір қалалық жедел қызмет «жарылғыш зат қойылды» деген нысандарды тексеріп жатыр.

Сурет: Zakon.kz

Таңертең жеті нысанда жарылғыш құрылғылар орнатылғаны туралы ақпарат тарады. Үш нысан тексерілді. Ақпарат жалған болып шықты. Қалған нысандар тексеріліп жатыр.Салтанат Әзірбек

Сурет: Zakon.kz

Дәл қазір Сейфуллин даңғылының бойында адамдар қаптап жүр. Біразы – MEGA park-тен эвакуацияланғандар.

Алматы полиция департаментінің ресми өкілі азаматтардан қауіпсіздік шараларына түсіністікпен қарауды сұрады.

Сурет: Zakon.kz

Алматыда «жарылғыш зат қойылды» делінген нысанның бірі – ҚБТУ ғимараты. Қазір университетте сабақтар тоқтатылды, студенттер үйіне жіберілді.

Айта кетейік, полицейлерге Қарағандыдағы халыққа қызмет көрсету орталығының ғимаратында жарылғыш зат орнатылғаны туралы хабарлама келіп түсті. Қаланың барлық төтенше жағдайлар қызметі орталыққа дереу аттанды.

Оқи отырыңыз