Чехия елге келушілерге қатысты барлық ковидтік шектеу шараларының күшін жойды

Эпидемиологиялық ахуал, сурет - Zakon.kz жаңалық 11.04.2022 23:50

Сурет: pixabay

9 сәуірден бастап Чехия билігі елге келетін шетелдіктерден талап етілетін коронавирусқа байланысты барлық шектеу шараларының күшін жойды, деп хабарлайды Zakon.kz.

Чехия СІМ сайтындағы мәліметке сүйенсек, туристерге енді вакцина алғаны немесе коронавируспен ауырып кеткені туралы анықтаманың, не болмаса сапарға шығудың дәлелді себебін растау сынды процедуралардың қажеті жоқ.

Ведомствоның мәліметінше, мұндай шешім Чехия мен басқа елдердегі эпидемиологиялық жағдайдың жақсаруына байланысты қабылданды.

9 сәуірден бастап Чех Республикасы мен әлемде SARS-CoV-2 вирусының таралуының қазіргі жағдайын ескере отырып, барлық қорғаныс мақсатындағы шаралар жойылды, өйткені Еуропаның басқа елдері де осыған көшіп жатыр. Чехия Денсаулық сақтау министрлігінің баспасөз хатшысы Ондржей Якоб

Наурыз айының ортасында министрлік ЕО елдеріне және басқа Еуропа елдеріне келушілерге қатысты шектеулерді алып тастады.

Оқи отырыңыз