Қазақстанда азық-түлік неліктен қымбаттағаны айтылды

Бағаның өсуіне маусымдық фактор әсер етті. Ол сақтау шығындарының өсуіне және қорлардың азаюына байланысты. Сонымен қатар қазір Өзбекстан мен Пәкістаннан жаңа өнімдер келіп жатыр. Бұл да – бағаның көтерілуіне басты себеп. Құрғақшылық салдарынан жем-шөп бағасы көтеріліп, ол сиыр еті, тауық еті, сүт өнімдері мен жұмыртқа бағасын қымбаттатып жатыр.Сауда комитеті төрағасының орынбасары Айдар Әбілдабеков

Айдар Әбілдабековтің айтуынша, 2021 жылы жанар-жағармайға салынатын акциздердің өсуі де азық-түлік бағасының көтерілуіне себеп болған.

Коммуналдық қызмет тарифтерінің шамалы өсуі байқалды. Шикізат, тыңайтқыш, логистика, ветеринариялық препараттар бағасының өсуі әлеуметтік маңызы бар азық-түлік тауарларының қымбаттауына да әсер етеді. Бағаның өсуіне қаңтар оқиғасы белгілі бір үлес қосты. Қант бағасының көтерілуі геосаяси жағдайға байланысты және Украинадағы оқиғалармен және Ресей Федерациясынан қант экспортына тыйым салумен байланысты. Ресей қанттың негізгі жеткізушісі болды. 58%-ын Қазақстан импорттады. Айдар Әбілдабеков

Сонымен қатар ол азық-түлік бағасының күрт өсуіне жол бермеу үшін елде картоп, сары май және ірі және ұсақ малдың аналық басын экспорттауға шектеу қойылғанын айтты.

Үкімет бұл өнімдердің ішкі нарықтағы бағасын ұстап тұру үшін қант пен астықты экспорттауға да тыйым салды.

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023