Алматыда жаңа өндірістік парктер салынады

Алматы, сурет - Zakon.kz жаңалық 05.05.2022 15:17

Сурет: Zakon.kz/Павел Михеев

Бүгінде Алматыда шағын өнеркәсіптік парктер дамып жатыр. Бүгінде 8 өнеркәсіптік парк жұмыс істейді. Оған 4 млрд теңге инвестиция салынды және олардың базасында 670-тен астам жұмыс орны құрылды, деп хабарлайды Zakon.kz.

Алматы әкімдігінің хабарлауынша, қаланың Индустриялық аймағында тағы 12 жаңа өнеркәсіптік парктің құрылысы жүргізіліп жатыр. Онда 2100-ден астам жұмыс орны ашылады. Инвестиция сомасы 8,6 млрд теңге болады.

Бизнесті қолдау және дамыту мақсатында Qoldaý кәсіпкерлік орталығы жұмыс істейді. Мұнда «бір терезе» қағидаты бойынша кәсіпкерлерге кеңес алуға болады.

Жыл басынан бері орталық мамандары 500 бизнес-жоспар/жобаны әзірлеуге, 475 млн.теңге сомасына 17 жобаны сүйемелдеуге және 219 рұқсат құжаттарын алуға көмектесті. Оқытудан 2589 тыңдаушы өтті.

Өнеркәсіптік парктерде тамақ, жеңіл, жиһаз және құрылыс өнеркәсібі салаларында 53 кәсіпорын жұмыс істейді.

Оқи отырыңыз